Dicembar

 A campagna l'è bianca, e gh'è pù

par i pian un fil d'erba: e anch'i pianti,

che mo in senz'una foeuia e han perdù a puesia dul verdu e di canti,

i paan brasci da morti valzà versu 'l ciel e cha implora pietà

Sta stagion a l'é grama, l'é trista.

Sant'Ambroeus freg cha choeus; e Luzia

(che di mà ma preserva da a vista)

a l'é 'l dì pusé coeurt cha ghe sia:

e da Santa Luzia a Natal

al sa slonga un sbavagiu d'un gal.

San Silvestar! Urmai sem a fen!

U ann al moeui e i so esèqui sa fa

tra i baldori e i legrii d'un scenén...

da "Scampoli di Storia Bustocca"